ད་དང་འབྲེལ་བའི་དཔྱེ་གཏམ།

1. དང་པ་ཨ་ལུ་དགའ་བཅུག་དགོ། །དེ་ལས་ཨ་ལུ་སྔུ་བཅུག་དགོ། །
2. མདའ་རྐྱབ་ཤེས་ཏེ་གཞུ་ཉོཝ་ཨིན།
3. མདའ་ཕོག་སར་ཤ་དྲ་དགོ།
4. མདའི་རྣ་བར་དུག་སྦྱརཝ་དེས་སྦྱར།
5. མདའ་སྒལ་པར་འབག་སྟེ་བྱོག་མི་ཐལ།
6. མདའ་རྐྱབ་ལུགས་མི་གཙོ་གཏད་ལུགས་གཙོ། མདའ་རྐྱབ་ལུགས་མི་གཙོ་སྟོན་ལུགས་གཙོ། ཟེར་སླབ་ལུགས་གཉིས་འདུག དག་ཤོས་ཐད་རི་སྦ་རི་འདི་ག་འདི་ཨིན་ན་དབྱེ་བ་དཔྱད་གནང་།
7. རྡིག་ཟེརནི་སྤང་ནང་། །སོསཔ་ཟེརནི་ཚལ་མ་ནང་། །
8. དེ་ལས་ལྷག་པའི་པད་ཤོ་མི་ནུག །
9. དོམ་ལྟོགསཔ་ཤ་མུ་དང་ཕྱད་ཕྱདཔ་བཟུམ།
10. རྡོ་བར་ནང་གི་ཐལཝ་མིན་པ། །ཤིང་བར་ནང་གི་སྤྱིན། །
11. རྡོ་ཤིང་གུར་རྐྱབ། །བྱ་མགུ་ཡོལ་འཁོར། །
12. གདུང་ཤིང་སྦོམ་རུང་ཁོང་སྟོང་། །ཁེངམ་ཆུང་རུང་མེ་ཏོག །
13. གདོང་གིས་ལྟོ་མ་ཐོབ་པ། །དཔྱལ་བས་སྦོག་འདུ་སི་སི། །
14. གདོང་ཉེསཔ་སེམས་ཀྱིས་ཚོར། 
15. འདྲེ་ཤར་ལུ་བཞག །གཏོརམ་ནུབ་ལུ་རྐྱབ། །
16. འདྲེ་དང་བུཚ་ཆུང་ལས་བཏུལ།
17. འདྲོག་རུང་འདྲེ་དང་ཁྱིམ་ཚང་། །གྱང་རུང་ལ་དང་གདོང་སྐོར། །
18. དྲག་རུང་ཉེཝ་གིས་དྲག་མི་སྟེར། །ཞན་རུང་ཉེཝ་གིས་ཞན་མི་སྟེར།
19. 
    

ཐ་དང་འབྲེལ་བའི་དཔྱེ་གཏམ།

1. ཐ་རྡུག་རུང་མ་གཞི་མ་བཙོང་།
2. ཐང་ཐིག་སེམས་ཀྱིས་བཟོ།
3. ཐང་བདེ་སའི་བཤེད་རེ་མིན་པར། །གེག་དོག་སའི་སྤར་རེག་ཨིན་པས། །
4. ཐབས་དང་ཤེས་རབ་མེདནི། །ལུས་ཀྱི་དཔུང་བཤེད་ཡང་དགྲ་ཨིན། །
5. ཐང་ནང་ལྷོད་ཚེ་ཨེ་ཧུ་ཧུ། །བྱག་དང་ཕྱད་ཚེ་བླམ་མཁྱེན་ནོ། །
6. ཐགཔ་ཐུངནི་ཁུར་ཡངས།
7. ཐག་རིང་རྒྱང་གི་ཉེ་བ། །དངས་རའི་ཁྱིམ་ཚང་དགའ། །
8. འཐབ་པའི་ཚིག་ལུ་ཧནམ་མེད། །སྔུ་ཡི་གདོང་ལུ་ལེགསཔ་མེད། །
9. ཐོབ་ཚེ་བསོད་སྡེ་མེདཔ་གིས་ཐོབ། །སག་ཚེ་བསོད་ནམས་ཅན་གྱིས་སག །
10. ཐོབ་ནི་བདེ་ཆེན་ཕུག་གི་བསྐང་བརྒྱུདཔ་དེ་ཡང་མེད་པ། །ལྟོ་ལི་ཧས་ཕུག་གི་གཟའ་རྒྱུགཔ་དེས་རྒྱུག །
11. ཐོག་སྤྱ་དཀར་གྱིས་ཟ། །སྦོག་སྤྱ་དམར་གྱིས་འདུ། །

ཏ་དང་འབྲེལ་བའི་དཔྱེ་གཏམ།

1. གཏམ་བ་རྨ་བདེན། །རྨ་བ་རོགས་བདེན། །
2. བཏུབ་གནམ་ལུ་སྟོན། །མ་བཏུབ་སར་བཙུགས།
3. རྟ་བདེ་བ་སྒ་ཡངམ།
4. རྟ་བཙོང་རུང་སྒ་མ་བཅོང་།
5. རྟ་ཕར་མ་ཐལ།།སྒ་ཚུར་མ་ལུས།།
6. རྟ་གིས་འཁྱིད་འདོད་རེ།།མི་གིས་བཞོན་འདོད་རེ།།
7. རྟ་ལུ་བཀལནི་ཁུར་དང་།།མི་ལུ་བཀལནི་ངོ་ཚ།།
8. རྟ་སྤུ་ལོག་གི་སྒྲིག་མིན་པར།།སྤུ་གནོན་གྱི་སྒྲིག་ལུ་གནས་དགོ།།
9. རྟ་ཁ་སྲབ་ཀྱིས་བསྒྱུར། །ཕོ་ཁ་མོ་གིས་བསྒྱུར། །
10. རྟ་ཞྭརཝ་ཆུར་བརྒལ་དེས་ཡང་བརྒལ།
11. རྟ་རྒསཔ་དང་འགྲོས་ལྷབ།
12. རྟ་ལས་རྨོ་རུང་ཨ་ཁུའི་ཞིང་། །འོག་ལས་རྨོ་རུང་ཨ་ཁུའི་ཞིང་། །
13. རྟ་གསོ་བའི་དྲིན་ལན་རྡོག་པས་འཇལ།
14. རྟ་ཉམས་བཞོན་ཏེ་ཤེས།།མི་ཉམས་འདྲེས་ཏེ་ཤེས། །
15. སྟག་ཁམ་ཕར་དང་ཞོག་ཁམ་ཚུར།
16. སྟགམོ་ལྟོགསཔ་ད་བུ་ཤ་ཟཝ།།
17. སྟ་ཕོག་གཅིག་གིས་ཤིང་མི་ཆོད། །ཐོ་ཕོག་གཅིག་གིས་རྩ་མི་ཆོད། །
18. སྟག་གསད་པ་རིགས་དགོ། །དོམ་གསད་པ་དཔའ་རྟགས་དགོ།།
19. སྟེང་རྡོག་ཡངམ་ད། །འོག་རྡོ་འཕར། །
20. སྟོད་གནམ་མ་མཐོང་། །འོག་ས་མ་མཐོང་། །
21. ལྟོ་ཁ་ལས་ཟ་བ། །ལམ་ལྟག་ཀོ་ནང་ལས་བསྐོར། །ལ་ལུ་ཅིག་གིས་ལྟོ་ཁ་ལས་ཟ་བ། །ལགཔ་ལྟག་ཀོ་ནང་ལས་སྐྱོར། །ཟེར་དོན་གཅིག་ལུ་དཔེ་གཉིས་སྦེ་སླབ་ནི་ཡོད་མི་འདི་ དེ་བསྒང་ལས་སླབ་སྲོལ་ཡོད་པའི་དཔྱེ་གཏམ་རྙིང་ཤོས་འདི་ག་ཨིན་ན་དབྱེ་བ་དཔྱད་དགོཔ་འདུག།
22. བལྟ་ལུགས་གཅིག་ལུ། །མཐོང་ལུགས་གཉིས།།
23. གཏམ་བྱི་ཅུང་བདེན་པ་ལུ།།བང་ཧོ་ཕྲུག་གིས་བཅད།།
24. གཏམ་ཚིག་གསུམ་གྱི་བརྡ་ལེན་མ་འཇལནི།།ཕ་དང་བུ་ཡང་ངོ་མི་ཤེས།།
25. རྟོགས་པ་ལྷ་དང་མཉམ་རུང་། །སྤྱོད་པ་མི་དང་བསྟུན།།

ཉ་དང་འབྲེལ་བའི་དཔྱེ་གཏམ།

1. ཉ་རྒས་པའི་མཁྲིསཔ། །སི་སི་རྒས་པའི་ཧིང་ལྕགས།
2. གཉའ་ཤིང་ཐེག་པའི་གླང་དང་། །དགེ་སློང་ཐེག་པའི་རྟ་མིན་ནུག །

ཆ་དང་འབྲེལ་བའི་དཔྱེ་གཏམ།

1. ཆ་རོགས་ཞན་པ་ཨ་དྲི་མནམ།
2. ཆང་བ་ཆུ་ཞིམ། །མེ་བ་ཐལཝ་དྲོ། །
3. ཆང་མར་འཛུལ། །གཏམ་ཡར་འཐོན། །
4. ཆང་ལེན་ཆུ་ཡིས་འཇལ།
5. ཆང་བཞུ་མི་གིས་འཐུང་། །བློ་ཤེས་མི་གིས་སླབ། །
6. ཆང་འཐུང་རིགཔ་གསལ།
7. ཆརཔ་ཕར་ཀ་རྐྱབ། །ཟིལཔ་ཚུར་ཁར་རེག །
8. ཆརཔ་ཆུ་ཡི་གྲོགས།
9. འཆམ་ཚེ་ཧིང་གཏམ་མ་བཤད། །རྒྱགས་ཚེ་ཁ་ལན་མི་འབྱོར། །
10. མཆེཝ་ཅནམ་དང་རྭཝ་ཅནམ་ལུ་བློ་མ་གཏད།
11. ཆུ་མ་འོངམ་ལས་གཡུར་བ། །ནད་མ་འོངམ་ལས་རིམ་གྲོ། །
12. ཆུ་དང་མ་ཕྱདཔ་ལས་ལྷམ་ཕུད།
13. ཆུ་ཡོད་སར་ཆརཔ།
14. ཆུ་དང་རྡུལ་མ་དམའ་སར་བུད།ཆུ་གིས་འབག་པའི་ལགཔ་ག་བཤེད་མེད། །ནང་དོག་པའི་ཁ་ལས་ག་སླབ་མེད། །
15. ཆུ་དྭང་པ་ཉ་གསལ། །
16. ཆུ་དགུན་སུ་བ་དྭངམ་མེད། །སེམས་རང་སེམས་ལས་གསལཝ་མེད། །
17. ཆུ་ལས་ཐལ་རུང་། །བརྡར་རྡོ་ལས་མི་ཐལ། །
18. ཆུ་འགྱོ་བའི་ཞོར་ཁར་རང་འཐག་དྲུད།
19. ཆུང་ཚེ་རྟ་དང་མ་འདྲིས་པར། །སྦོམ་ཚེ་སྒ་ཆས་རྐྱབ་མ་ཤེས། །
20. ཆུ་ཕུད་གཅིག་ལུ། །ལྷ་གསོལ་གཉིས་མི་བཏུབ། །
21. ཆུ་ཤུལ་འགྱོ་བར་ཧེ་མའི་ལང་ཤོར།
22. ཆུ་ལྷག་རྒྱ་གར་ཤར། །ནོར་འཕགས་པའི་དགེ་འདུན། །
23. ཆུནི་ཟར་ལས་དབོག་ཆེ། །ཤིངནི་རི་ལས་འཐུ་ཆི། །
24. ཆུ་མོའི་གཞུང་ཁར། །ཉ་མོའི་ཕོཝ།།
25. ཆོས་རང་གིས་འབད་དེ་སངས་མ་རྒྱསནི། །རོགས་ཀྱིས་འབད་དེ་སངས་མི་རྒྱས།
26. ཆོསཔ་རྒས་ཅིག་གྱལ་མགུ། །བོད་རྒས་ཅིག་གྱལ་མཇུག །
27. ཆོས་མ་གོ་བའི་རྣཝ་སྤུ་སི་སི།
28. ཆོས་ཟབ་སར་བདུད་ཟབ།
29. ཆོསཔ་ཕྱེད་གོ་བས་ལྷག

ཅ་དང་འབྲེལ་བའི་དཔྱེ་གཏམ།

1. ལྕགས་ལུ་ཞུན་དང་ཞུན་ལུ་མཐར།
2. ལྕགས་ཨིན་སིང་སི་དང་། །རྡོ་ཨིན་ཀྲག་ཀྲ། །
3. ལྕགས་དང་དྲོནམོ་ཚ་ཏོམ་བསྣལ།

ང་དང་འབྲེལ་བའི་དཔྱེ་གཏམ།

ངེའི་གདོང་བ་ཁྱོད་ཀྱི་རྒྱལ་གསལ།
སྔུའི་གདོང་ལུ་ལེགས་གོ་མེད། །འཐབ་པའི་ཚིག་ལུ་ཧནམ་མེད། །
ངོ་ཚ་བ་གལ་ཆེཝ་གདམ།

ག་དང་འབྲེལ་བའི་དཔྱེ་གཏམ།

1. ག་བ་ག་དྲག་མི་ཤེས།
2. གངས་བར་ནང་གི་ཆུ་འཐུང་། །སྤྲིན་བར་ནང་གི་ཉིམ་བསྲོ། །
3. དགའཝ་རང་གིས་བཟོནི་ག་བཟོ། །སྐྱོམ་རང་གིས་སློངནི་ག་སློང་། །
4. དགའཝ་ཟད་སྐྱིདཔ་རྫོགས་རྫོགས་པའི་མི།
5. རྒྱ་བརྡུང་ཟ། །བོད་བཞོང་ཟ། །
6. སྒྱུར་མ་ཚུགས་པའི་ཆུ་སྒྱུར་བ་འདི། །སྒྱུར་ཚུགས་པའི་རྡོ་འགྱིརཝ་དྲག །
7. མགུ་འཁྱུ་བ་གདོང་དགཔ།
8. གྱི་དང་ཕོརཔ་གློ་ལུ་བཞག །ཆང་དང་འཐབམོ་ག་ཕྱད་མེད། །
9. གྱི་རིང་ཐུང་གོམས་པའི་གཡབ་ཨིན།
10. དགོན་པའི་རོ་ཁྱི་མ་བརྡུང་། །བླ་མའི་ཐུགས་ཁར་ཕོག་འོང་།།
11. གྱོས་མི་ལུ་འདྲི། །ཐག་རང་གིས་བཅད།།
12. གྱང་བར་ན་ར་འཐབ་དེས་འཐབ། བྱག་བར་ན་ར་འཐབ་དེས་འཐབ། དབྱེ་དཔྱད་མཛད་གནང་།
13. གླང་དགའ་སར་ཐོངམ་ཆག
14. གླང་ཅུང་དོག་ཆ་འགྲིགནི། །བཏབ་པའི་ལོ་ཐོག་ལེགས། །
15. གླང་གཉིས་འཐབ་ད་གཅིག་རྒྱལ་དགོ།
16. གླང་ཅུང་འབདནི་རྨོ་བཏུབ། །བ་ཐངམ་འབདནི་བཞོ་བཏུབ། །
17. གླང་རྒྱ་ཚ་གིས་ཨ་བ་ལམ་ལྟག་ཡང་གཏང་འོང་། །ལམ་འོག་ལུ་ཡང་གཏང་འོང་།
18. གླང་གིས་རྨོ་མ་སྟེར་བ་དང་། །བ་ཡིས་བཞོ་མ་སྟེརཝ་མི་འོང་། །
19. རྒྱུ་མ་སྤགས་ཀྱི་གྲས་ཁར་མི་ཚུད།
20. རྒྱུ་བར་སྟོང་གཏངམ་སྦྱིན་པ་མིན། །གླང་བརྙ་བར་གཏངམ་དཔའ་རྟགས་མིན།
21. གླེན་གོ་ལྟད་མར་འགྱོ་བར། །མགོ་དང་རྐང་པས་གོ་མ་ཆོད། །
22. སྒྱིད་པར་ཤ་མེད་པ། །གཉའ་བར་བྱ་ལ་བཀལ། །
23. འགྱིར་མ་ཚུགས་པའི་རྡོ་འགྱིར་བ་འདི། །བསྒྱུར་ཚུགས་པའི་ཆུ་སྒྱུརཝ་དྲག །
24. གོང་ཕུ་ནང་གི་མདའ་གཞུ། །བཀང་ས་ཡོད་རུང་རྐྱབ་ས་མེད། །

ཁ་དང་འབྲེལ་བའི་དཔྱེ་གཏམ།

1. ཁ་མཁས་མིའི་དཔོན།།མཇུག་དོག་སར་ཚུདནི་དེ་གིས་ཚུད།།ལཱ་ཤེས་མིའི་གཡོགཔོ།།ཟ་ཞིམ་ཅིག་ཟནི་དེ་གིས་ཟ།།
2. ཁ་ཨོམ་ས་མ་ཎི་གྱངས་མང་རུང་།།ཐུག་ས་མདོ་འཛིན་རྩ་བར།།
3. ཁ་ཐེག་ཁུར་འདྲོང་།།
4. ཁ་རྒྱང་པ་རླུང་འཛུལ། །རླུང་འཛུལ་བ་སོ་འཁོལ།།
5. ཁ་ལས་འཐོན་ཚེ་རླུང་། །རླུང་སྤར་བཞམ་ཚེ་གསེར།།
6. ཁ་བཤད་ཆུ་ཡི་ལྦ་ག །ལག་ལེན་གསེར་གྱི་ཐིག་པ།།
7. ཁ་བཤད་ཆུ་ཡི་ལྦ་ག །ནོརབུ་རྒྱ་མཚོའི་གཏིང་ལུ་མི་ཐིམ།།
8. ཁ་དང་ལགཔ་འཐབ་ད་ཀི་ལི་ཟུར་ཁ།
9. ཁག་ཆེ་མི་ཆེ་བླམ་ཆེ། །བླམ་བ་རང་ཆེ། །
10. ཁ་ལུ་གུ་རམ་བཙུགས།།ཧིང་ཁར་ལ་ཆུ་བཀལ།།
11. ཁ་གིས་ཨ་ཝ་ཟ།།མཆུ་ཏོ་དར་གྱིས་འཕྱག།
12. ཁག་པའི་ལཱ་ཅིག་མ་འབདནི། །མངར་བའི་ཟས་ཅིག་མི་འཐོབ།།
13. ཁྱི་མོ་མཇུགམ་མ་གཡུགནི། །ཁྱི་ཕོ་རྣཝ་མི་དཀྲོག།
14. ཁྱི་ཟ་ས་ལས་ཧབ།
15. ཁྱིའི་དགའ་ཚོར་མཇུགམ། །མིའི་དགའ་ཚོར་སེམས། །
16. ཁྱི་གྱང་གུར་ཨེབནི། །ཤོར་ནི་ཆུ་དང་ཨ་ཝ། །ཁྱི་གྱང་གུར་ཨེབནི།།བཏབ་ནི་སོ་ར་ཨིན།།དབྱེ་དཔྱད་གནང་།
17. ཁྱི་ནུབ་ཁྱི་བཟངམ་ཇོ་གིས་ཤེས།
18. ཁྱི་དང་བུཚ་འཛུམ་མ་སྟོན། །སྟོན་ར་སྟོན་ལྡན་ལྕག་སྟོན། །
19. ཁྱིམ་ཚང་བ་ཤི་རུང་། །མྱ་ངན་ཞག་གསུམ།
20. ཁུ་རུ་པའི་ཆང་ནང་། །ཞོལ་ལེམ་གྱི་དྲིམ་ཅིག་ཡོད།།
21. མཁོ་ཐང་ཁར་གླང་རྨོ་ནི་དང་། །དྭང་ཆུ་ཟམ་པར་ཉ་བཟུང་ནི་རྟགས་མི་མཐུན། །
22. ཁུར་ཨ་པས་འབག་ཚེ་ཡང་ཡང་འདྲ། །ཟས་ཨ་མས་ཟ་ཚེ་ཞིམ་ཞིམ་འདྲ། །
23. ཁུར་ཆ་གཡག་གིས་འབག །སྐད་འབྱོགཔ་གིས་རྐྱབ།
24. ཁེ་གྱོང་མེད་པའི་ཞིང་ཁར། །ཡང་རྗིད་མེད་པའི་གླང་རྨོ།

དྲན་གསོ་   ལྟག་ལུ་བཀོད་དེ་ཡོད་པའི་དཔྱེ་གཏམ་ཚུ་   ཨིནམ་མེན་གྱི་དབྱེ་བ་དཔྱད་ནིའི་དོན་ལུ་མ་གཏོགས་   མཐའ་དཔྱད་སྦེ་བཀྲམ་ནི་མེནམ་ཐུགས་ཁར་བསྣམ་གནང་།

ཀ་དང་འབྲེལ་བའི་དཔྱེ་གཏམ།

1. དཀའཝ་མ་སྤྱདནི་འབྲས་བུ་མི་འཐོབ།
2. སྐྱིདནི་གནམ་མཁའི་བྱ་ཡང་འཁོར། །སྡུགནི་མཆན་གྱི་བུ་ཡང་སྤང་། །
3. སྐྱེནི་རང་གིས་སྐྱེས་བའི་བུ། །གསགནི་རང་གིས་བསག་པའི་ནོར། །

ཀ་དང་འབྲེལ་བའི་དཔྱེ་གཏམ་གྱི་རིགས།

1. ཀ་ཁ་ག་ང་ང་གིས་མི་ཤེས།། བཀའ་འགྱུར་བསྟན་འགྱུར་ཐ་ར་ར།།
2. རྐངམ་གཅིག་ནང་དང་། །རྐངམ་གཅིག་ཕྱི་ཨིན་པས།
3. རྐངམ་ཕར་ཁར་དཔྱང་། །ཉིམ་ཚུར་ཁར་བསྲོ། །
4. དཀའཝ་མ་སྤྱདནི་འབྲས་བུ་མི་འཐོབ།
5. དཀར་གནག་གནམ་བྱཱར་གྱི་གློག་ཀེམ་དེས་ཀེམ།།
6. དཀོན་མཆོག་མཆོད་པ་བདག་མི་ཕམ།
7. ཀོཝ་ཉི་མའི་དྲོད་དང་བསྟུན་ཏེ་འཕུ།
8. སྐོམ་རུང་སྨྱོ་ཆང་མ་འཐུང་། །སྡུག་རུང་ཕ་གཞིས་མ་བཙོང་། །
9. སྐྱོམ་མེདནི་རྟ་རྒས་ཉོ། །སྐྱོམ་རྟ་རྒས་ཀྱིས་འབག་ནུག །
10. སྐྱིདནི་གནམ་མཁའི་བྱ་ཡང་འཁོར།།སྡུགནི་མཆན་གྱི་བུ་ཡང་སྤང་།།

ཕགཔ་དང་འབྲེལ་བའི་དཔྱེ་གཏམ་གྱི་རིགས།

རྫོང་ཁ་སླབ་ཐངས་སྡེ་ཚན་གྱིས་ མི་སྡེའི་བརྡ་བརྒྱུད་ཝི་ཅེཌ་ཀྱི་ཐོག་ལུ་  དང་ཕུ་དིང་ཕུ་ལས་སླབ་སྲོལ་ཡོད་པའི་དཔྱེ་གཏམ་ཚུ་ སྲུང་བཟུམ་ཅིག་སྦེ་བཞག་མ་ད་པ་ སྟག་ཤི་རུང་ དོམ་རོ་ལོངས།།ཟེར་བའི་དཔེ་བཟུམ་སྦེ་ ཕམ་རྒས་ཤོས་ཚུ་ཁ་ས་ཡིས་བཅད་ཆི་རུང་ ད་ལྟོ་རྒས་གཞོན་རན་ཏོག་ཏོ་སྦེ་སྡོད་མི་ཆ་ཁྱབ་ཀྱིས་ དེ་བསྒང་བསོད་ནམས་ཅན་གྱི་ཕམ་ཚུ་གིས་སླབ་ས་གོ་མི་ཚུ་ ནང་ཁོག་པའི་ཧིང་ལུ་རུལ་མ་བཅུག་པར་ ཞར་ཞོར་དར་ཁྱབ་གཏང་ནི་དང་། རྟིང་མ་བུ་གཞི་ཚུ་གི་མཐའ་དོན་ལུ་བདོག་གཏད་སྦེ་བཞག་ནིའི་ཐབས་ལམ་ཅིག་ལཱ་ཁག་སྦེ་འཚོལ་མི་དགོ་པར་ མི་སྡེའི་བརྡ་བརྒྱུད་ཐོག་ལུ་འཇམ་ཏོང་ཏོ་སྦེ་ སྟབས་བདེའི་ཞིབ་འཚོལ་འབད་ཚུགས་པའི་ལམ་ཅིག་འདུག་ཟེར་མནོ་སྟེ་ ད་རེས་ཉིནམ་༢ཀྱི་རིང་ དོན་ཚན་ སྒོ་ནོར་སེམས་ཅན་ཕགཔ་དང་འབྲེལ་བའི་ དཔྱེ་གཏམ་གསུང་གྲོས་གནང་པའི་བསྒང་ཡོདཔ་ལས་ ནཱ་བཞུགས་མི་མཁས་པ་ཚུ་གིས་ ལྟག་གི་དོན་ཚན་དང་འབྲེལ་བའི་དཔྱེ་གཏམ་རེ་འབྲི་སྟེ་བཀའ་དྲིན་བསྐྱང་གནང་ཞུ་ནི་ཨིན།།