༼དཀར་བཞོང་གི་རྒྱབ་ཁུངས།༽

འཆར་གཞི།

• ལུང་ཕྱོགས་དང་ ས་གནས་ཀྱི་མིང་འགྱུར་བ་སོང་ཡོད་མི་ཚུ་ ལུང་པའི་ངག་གཤིས་ནང་ ག་དེ་སྦེ་སླབ་དོཝ་ཡོདཔ་ཨིན་ན་ དབྱེ་བ་དཔྱད་དེ་ཡིག་ཐོག་ལུ་བཀོད་ནི།
• སླབ་དགོ་བདེ་ཏོག་ཏོ་དང་ ཉན་དགོ་མནོ་སི་སི་སྦེ་ཡོད་པའི་ རྫོང་ཁའི་ངག་གཤིས་ཚུ་ཡིག་ཐོག་ལུ་བཀོད་དེ་ ད་ལྟོ་དར་ཁྱབ་ཡོད་པའི་མིང་ཚིག་ཚུ་དང་འདྲན་འདྲ་སྦེ་ དར་ཁྱབ་གཏང་ནིའི་ཐབས་ལམ་བཏོན་ནི།
• ཚོགས་པའི་སྒྲིག་གཞི་དང་འཁྲིལ་ཏེ་ གསུང་གྲོས་གནང་མི་ཚུ་ ཡིག་ཐོག་ལུ་བཀོད་དེ་ ཞུན་དག་མ་བཏུབ་བཏུབ་སྦེ་འབད་ཞིན་ན་ དཔེ་དེབ་བཟོ་སྟེ་ སློབ་གྲྭ་ཁག་ལུ་བཀྲམ་ནི།
• ཡང་ཅིན་ མིང་ཚིག་བསྡུ་བཞག་མི་ཚུ་ ཞུན་དག་མ་བཏུབ་བཏུབ་སྦེ་འབད་དེ་ རྫོང་ཁ་གོང་འཕེལ་ལྷན་ཚོགས་ལུ་ཕུལ་ཏེ་ གཏན་བཞག་གི་དོན་ལུ་ ཚིག་མཛོད་ནང་བཙུག་ནི་ལུ་རྒྱབ་སྐྱོར་ཕུལ་ནི་ཨིན།
• སློབ་གྲྭ་ཁག་དང་མི་མང་འཛོམས་སར་ སྡེ་ཚན་གྱི་འཐུས་མི་མིང་གཏམ་ཅན་ཚུ་གིས་ དང་ཕུ་སླབ་སྲོལ་ཡོད་པའི་རྫོང་ཁའི་མིང་ཚིག་ཚུ་ རེ་རེ་བཞིན་གོ་བ་བཤད་དེ་དར་ཁྱབ་གཏང་ནི།