དྲགཔ་མཁས་པའི་ཐོ་བཀོད། Registration for DDK

 

མཚན། Name(required)

གློག་འཕྲིན་འདི་འོག་གི་ས་སྟོང་ནང་འདྲ་བཤུས་ཕབ། (Mention below this email dzongkhakyed2017@gmail.com(required)

འགྲུལ་འཕྲིན་ཨང་། Mobile number

ག་ཅི་འབད་ནིའི་དང་འདོད་ཡོད། ?  དོན་ཚན་གཅིག་གདམ་ཁ་མཛད། Select one option  དྲགཔ་དྲགཔ་མཁསཔ།  དང་ཕུ་དུས་རྒྱས་ཀྱི་རྫོང་ཁའི་མིང་ཚིག།  འཇིག་རྟེན་པའི་དཔྱེ་གཏམ།  གཞན་ཡང།  དོན་ཚན་གཅིག་གདམ་ཁ་མཛད། Select one option

འ་ནི་རྩིས་ཁྲ་ཨང་ BOB A/c 210570663ནང་ལུ་ འཛུལ་འཐུས་ཏི་རུ་༢༥༠ ཐམ་པ་བཙུགས་པའི་སྐབས་ MBOB Remarks ནང་ རང་སོའི་མཚན་འབྲི་དགོཔ་མ་ཚད། འོག་གི་ས་སྟོང་ནང་ Journal ཨང་འབྲི་སྦེ་སྐྱེལ་གནང་ལགས།

དྲགཔ་དྲགཔ་མཁསཔ། Riddle Competition

 

རྫོང་ཁ་སླབ་ཐངས་གྲོས་སྟོན་ཞབས་ཏོག་གིས་ དྲགཔ་དྲགཔ་མཁསཔ་ཟེར་ བློ་རིག་མཁས་ཧིང་བལྟ་ནིའི་ལཱ་སྐོར་ཅིག་འགོ་འདྲེན་འཐབ་ཨིན།

དེ་ཡང་གཙོ་བོ་ར་གཞོན་ཅུང་ཆ་ཁྱབ་ཀྱིས་ སྔར་སྲོལ་ལམ་ལུགས་ལུ་ དང་འདོད་བསྐྱེད་བཅུག་ནི་དང་། རང་སོའི་རིག་རྩལ་ཡར་དྲགས་གཏང་ནིའི་དོན་ལུ་ཨིན་རུང་ རྒན་ཤོས་ཚུ་གིས་ཡང་གྲས་ཁར་གཏོགས་ཆོག།

༡༽ WeChat and Telegram སྡེ་ཚན་ནང་སྦེ་ གཟའ་ཟླཝ་ཨ་རྟག་ར་ཕྱི་རུ་ཆུ་ཚོད་༥ ལས་༦ ཚུན་ དུས་ཡུན་ཆུ་ཚོད་གཅིག་གི་རིང་ལུ་ འགོ་འདྲེན་འཐབ་ནི་ཨིན།
དྲགཔ་དྲགཔ་མཁསཔ་འགོ་བཙུགས་ཏེ་ དྲི་བ་བཀོདཔ་ཅིག་ ག་མགྱོགས་གུ་མགྱོགས་རྐྱབ་སྟེ་ བློ་གི་མདུད་ཕུད་འཁྱོལ་ཚུགས་མི་འདི་ལུ་ཆ་བཞག་ནི།

༢༽ དྲི་བ་བཀོད་དེ་ དུས་ཡུན་སྐར་མ་གཅིག་བྱིད་སོང་རུང་ སྐད་བ་མེནམ་འབུང་ཡང་བཏོན་ནི་མེད་པ་ཅིན་ གཞན་ལུ་གོ་སྐབས་བྱིན་ནི་ཨིན། ཨིན་རུང་ལན་ཕྱེདཔ་ཀོབ་ཅིག་སླབ་ད་པ་ཅིན་ དྲི་བ་གཉིས་པའི་ལན་འཇལ་ནིའི་གོ་སྐབས་ཡོད།

༣༽ དྲི་བ་དང་པ་དང་གཉིས་པའི་ལན་ཕོག་རུང་ མཇུག་གི་དྲི་བ་གི་ལན་ཀྲིག་ཀྲི་སྦེ་མ་ཕོག་པ་ཅིན་ དགའ་ཚོར་གྱི་གསོལ་ར་མི་འཐོབ།

༤༽ དྲི་བ་གསུམ་ཆ་རའི་ལན་ འོས་ལྡན་ལྡན་སྦེ་ཕོག་སྟེ་གསོལ་ར་ཐོབ་ཆེ་བ་ཅིན་ རྟིང་མ་གི་བདུན་ཕྲག་ནང་ལས་བརྒལ་ཏེ་གྲས་ཁར་གཏོགས་མི་ཆོག། ཨིན་རུང་ལན་མ་ཕོག་པ་ཅིན་ ལོག་སྟེ་ར་སླ་ཁར་འཛུལ་ཆོག།

༥༽ བདུན་ཕྲག་རེ་ལུ་ དོན་ཚན་རེ་གདམ་ཁ་རྐྱབ་ནི་ཨིནམ་མ་ཚད་ བདུན་ཕྲག་ཤུལ་མམ་ནང་འགོ་འདྲེན་འཐབ་ནི་ཨིན་མི་དོན་ཚན་འདི་ ད་རེས་ཀྱི་བདུན་ཕྲག་ནང་གསལ་བསྒྲགས་འབད་འོང་།

བདུན་རིམ་བཞིན་ དྲག་ཤོས་འཐོན་མི་ཚུ་གི་གྲས་ལས་ ཟླ་མཇུག་ལུ་ དྲག་པའི་ནང་ལས་དྲགཔ་ཅིག་བཏོན་ནི་ཨིན།

དྲགཔ་དྲགཔ་མཁས་པའི་གྲངས་སུ་ ཐོ་བཀོད་རྐྱབ་ནིའི་དོན་ལུ་ འཛུལ་འཐུས་ཏི་རུ་ ༢༥༠ཐམ་པ་བཙུགས་ད་པ་ཅིན་ ལོ་ངོ་གཅིག་བྱེལཝ་མེད། དེ་ཡང་བློ་གི་མདུད་ཕུད་འཁྱོལ་ཚུགས་མི་ཚུ་ལུ་ རྩིས་ཤོག་བྱིན་ནིའི་དོན་ལུ་བསྡུཝ་ཨིན།

The Dzongkha Labthang Consultancy Service will be organizing Riddles competition for children through WeChat on every Sunday from 5:00 PM to 6:00 PM on various topics.
Participants who answer three questions correctly will be rewarded prizes as a gesture of appreciation. However, if a participant’s answer to the last question is incorrect, the opportunity will be given to the next participant.
Therefore, interested individuals can avail of these services for one year by depositing an entry fee of Nu. 250.

༼ཁ་སྐོང་ཤེས་ཡོན། Advanced Educational Programs༽

དང་ཕུ་དུས་རྒྱས་ཀྱི་རྫོང་ཁའི་མིང་ཚིག་སླབ་དགོ་བདེ་ཏོག་ཏོ་དང་ ཉན་དགོ་མནོ་སི་སི་ཐང་མེདཔ་ཅིག་ཡོད་རུང་ སྣང་དག་ར་མ་བསྐྱེད་པ་བཞག་ནི་འདི་གིས་ མང་ཤོས་ཅིག་ཡལ་ནི་གུར་ལྷོད་སོ་ནུག། འ་ནེ་སྦེ་ནི་འདི་གིས་ དེ་ཚུ་ངོ་སྟོན་ཞིན་ན་དར་ཁྱབ་གཏང་ནི་ལུ་རྩ་འགེངས་ནི།

༼དཔྱེ་གཏམ། Proverb༽

འཛམ་གླིང་རྒྱལ་ཁབ་གོང་འཕེལ་འགྱོཝ་དང་བསྟུན་ཏེ་ སྔར་སྲོལ་ཤེས་ཡོན་དང་ལམ་ལུགས་སྲོལ་ཚུ་ལུ་ དང་འདོད་བསྐྱེད་མི་འདི་ལོ་གཅིག་ལས་ལོ་གཅིག་ཉུང་སུ་འགྱོ་ནི་འདི་གིས་ ཕམ་རྒན་ཤོས་ཚུ་གིས་ དགའ་སྐྱོ་གི་བློ་ག་ཅི་ར་སླབ་རུང་ བར་ན་དཔྱེ་གཏམ་དཔྱེ་དོན་སྒྲིག་ཏོག་ཏོ་སྦེ་བཙུགས་ཏེ་སླབ་སྲོལ་ཡོད་མི་འདི་ཉམས་ནིའི་ཉེན་ཁ་སྦོམ་འདུག།

མ་པ་དཔྱེ་གཏམ་གྱི་ཐད་ཁ་ རྒྱལ་ཁབ་ལུ་ཤ་ཞེན་ཡོད་མི་ཚུ་གིས་ ཕར་དང་ཚུར་ལས་བསྡུ་ཞིནམ་ལས་ དཔེ་དེབ་སྦེ་བཟོ་སྟེ་ཡོད་པ་ལྷག་ཚེ་རྒྱུ་མིན་འདུག ག་ཅི་སྨོ་ཟེརནི་ གཙོ་བོ་ར་བློ་གི་བར་ན་བཙུགས་ཏེ་རྒྱང་རྩལ་སྒྲིག་ཏོག་ཏོ་སྦེ་སླབ་མ་ཤེས་པ་ཅིན་ དེ་བ་སྐྱོན་ཆེཝ་མིན་ནུག འ་ནེ་སྦེ་ཨིན་ནི་འདི་གིས་ རྫོང་ཁ་སླབ་ཐངས་གྲོས་བསྟུན་ཞབས་ཏོག་གིས་ འཇིག་རྟེན་རྒས་པའི་དཔྱེ་གཏམ་ཚུ་ བློ་གི་བར་ན་བཙུགས་ཏེ་སླབ་ཐངས་སྟོན་བྱིན་ནི་ལུ་རྩ་འགེངས་དོ་ཡོདཔ་ཨིན།

In addition, as a part of advanced Educational programs, will be providing coaching on Dzongkha terminologies used in olden days, as well as appropriate usage of worldly sayings/proverbs for pleasant and convenient conversations.

ཐོ་བཀོད་རྐྱབ་ནིའི་དོན་ལུ་ འོག་གི་འབྲེལ་མཐུད་གུར་ཨེབ་གནང་། Please click on the link below for registration

https://dzkha.blogspot.com/2023/05/registration-for-ddk.html

ངོ་སྤྲོད།

༉ འཛམ་གླིང་རྒྱལ་ཁབ་ག་ཏེ་ཡང་ རྒྱལ་ཡོངས་སྐད་ཡིག་ཅིག་ངོས་འཛིན་འབད་དེ་ གཞུང་འབྲེལ་གྱི་ཕྱག་ལཱ་ག་ཅི་ར་ཨིན་རུང་ རྒྱལ་ཡོངས་སྐད་ཡིག་གི་ཐོག་ལས་མཛད་སྲོལ་ཡོདཔ་ཨིན་རུང་ དུས་དང་བསྟུན་ཏེ་ རང་གི་ཁ་སྐད་བ་འདི་ རྒྱལ་ཁབ་གཞན་གྱི་ཁ་སྐད་ལུ་དང་འདོད་བསྐྱེད་མི་མང་སུ་འཐོན་མི་འདི་ ལུགས་སྲོལ་བཟུམ་ཅིག་ཨིན་པས། ཨིན་རུང་ རྒྱལ་ཁབ་ལ་ལུ་ཅིག་གིས་ རང་སོའི་ཁ་སྐད་འདི་ རྒྱལ་ཁབ་རང་བཙན་གྱི་ངོ་རྟགས་ཅིག་ཨིནམ་ཤེས་ཏེ་ རང་གི་ཁ་སྐད་གཙོ་བོར་བཏོནམ་མ་གཏོགས་ རྒྱལ་ཁབ་གཞན་གྱི་ཁ་སྐད་ཚུ་མ་ཤེསཔ་བཟུམ་བཟོ་སྟེ་ རང་གི་རྒྱལ་ཡོངས་སྐད་ཡིག་འདི་ར་གཙོ་བོར་བཏོནམ་ཨིན་པས། 

ང་བཅས་རའི་འབྲུག་རྒྱལ་ཁབ་ནང་ཡང་ རྒྱལ་ཡོངས་སྐད་ཡིག་རྫོང་ཁ་འདི་ ཁ་ལས་སླབ་ནི་དང་ ཡིག་ཐོག་ལུ་འབྲི་ནི་སྟབས་བདེ་ཏོག་ཏོ་སྦེ་ཡོད་རུང་ ད་ལྟོའི་གནས་སྟངས་ལུ་ཆ་དཔག་ལྟཝ་ད་ རྒྱལ་ཡོངས་སྐད་ཡིག་ལུ་དང་འདོད་བསྐྱེད་མི་གངམ་མེདཔ་མ་ཚད་ འདིའི་ནང་ལས་ཧེ་མ་ལས་སླབ་སྲོལ་ཡོད་པའི་རྫོང་ཁའི་ངག་གཤིས་སླབ་མི་འདི་ གནམ་མེད་ས་མེད་་ཉུང་ར་ཉུང་པས། 

རྫོང་ཁ་སླབ་ཐངས་ཀྱི་སྡེ་ཚན་བཟོ་དགོ་མི་དེ་ཡང་ རྒྱལ་ཁབ་རང་བཙན་ལུ་ ཤོ་མཉམ་རྒྱལ་ཡོངས་སྐད་ཡིག་གཅིག་མཚུངས་སྦེ་དར་ཁྱབ་གཏང་ནི་དང་། དེའི་ནང་ལས་ཡང་སླབ་དགོ་་བདེ་ཏོག་དང་ ཉན་དགོ་མནོ་སི་སི་སྦེ་ཡོད་པའི་ རྫོང་ཁའི་ངག་གཤིས་རྒྱབ་ཁར་ལུས་མི་ཚུ་ གདོང་ཁར་བཏོན་ཏེ་དར་ཁྱབ་གཏང་ནི་ལུ་གཙོ་བོར་བཏོནམ་ཨིནམ་ལས་ ཕོག་ལམ་དང་མ་འཁྲིལ་པའི་་རྫོང་ཁའི་མིང་ཚིག་བདེ་ཏོག་ཏོ་མེད་མི དེ་ལས་མི་མང་གིས་འཇམ་ཏོང་ཏོ་སྦེ་ཧ་གོ་མ་ཚུགས་པའི་མིང་ཚིག་ཚུ་ དང་ཕུ་ག་དེ་སྦེ་སླབ་དོཝ་ཨིན་ན་དབྱེ་བ་དཔྱད་དེ་བསྟུན་གྲོས་རྐྱབ་ཞིནམ་ལས་ ག་ར་གིས་ཧ་གོ་ཚུགས་པའི་ཐབས་ལམ་བཏོན་ནི། དེ་ལས་རྫོང་ཁ་ཕྱེད་དག་ཀོ་དག་སྦེ་སླབ་མི་ཚུ་ རྗོད་སྒྲ་དག་ཆ་བཏོན་ཏེ་སླབ་ཚུགསཔ་བཟོ་ནི་ཨིན། 

མ་གཞི་རྫོང་ཁ་གོང་འཕེལ་ལྷན་ཚོགས་ཀྱིས་ རྒྱལ་ཡོངས་སྐད་ཡིག་གཅིག་མཚུངས་སྦེ་དར་ཁྱབ་གཏང་ནིའི་ཐབས་ལམ་མང་རབས་ཅིག་བརྩམས་ཏེ་ཡོད་པའི་གྲས་ལས་ རྒྱབ་རྟེན་གྱི་དཔེ་དེབ་མང་རབས་ཅིག་གསརཔ་བཏོན་ཡོད་པའི་ཁར་ འདིའི་ནང་ལས་རྫོང་ཁའི་ཚིག་མཛོད་ཕྱོགས་བསྒྲིགས་འབད་ཡོད་མི་འདི་ནང་ ངག་གཤིས་ཀྱི་མིང་ཚིག་རྒྱགས་ཚད་ཚུད་ཡོད་རུང་ གཡོག་བཀོལ་ནི་ནང་དེ་འཚམས་ཅིག་སྦེ་ལུས་མི་འདི་ ཡིག་ཐོག་ལུ་ཤུགས་བཏོན་ དངོས་སུ་སླབ་ནི་ལུ་སྦྱང་བ་མ་གནང་པའི་སྐྱོན་མེན་ན་ཟེར་མནོཝ་མས། 

མ་པ་ཁུངས་ཐུབ་དང་ ཡིད་ཆེས་ཚུགས་པའི་ཞིབ་འཚོལ་འབད་འབདཝ་ཅིག་ག་ནེ་ཡང་མེད་རུང་ དུམ་གྲ་ཅིག་དབྱེ་བ་དཔྱད་དེ་ལྟཝ་ད་ དེ་སྦེ་མེན་ན་ཟེར་མནོ་སྟེ་ རྒྱུ་མཚན་དེ་ལུ་བཞག་ཏེ་ མི་སྡེའི་བརྡ་བརྒྱུད་ཝི་ཅེཊ་ཀྱི་ཐོག་ལས་ ངག་གཤིས་ལུ་སྦྱང་བ་ཡོད་མི་དང་ རྗོད་སྒྲ་དག་ཆ་བཏོན་ཚུ་མི་ཆ་ཁྱབ་ཀྱིས་ གོ་བརྡ་སྤེལ་ཚུགས་པ་ཅིན་ ཕན་ཐོགས་མ་གཏོགས་གནོད་པ་མི་འབྱུང་ནི་ཨིན་པས་ཟེར་ རང་ལུགས་གནམ་ལོ་མེ་ཕོ་སྤྲེལ་ལོ་ཟླ་༤པའི་ཚེས་༡༩ སྤྱི་ལོ་༢༠༡༦སྤྱི་ཟླ་༥པའི་ཚེས་༢༥ རེས་གཟའ་ཕུརབུ་ དྲོ་པ་ཆུ་ཚོད་༨ལུ་ རྫོང་ཁ་སླབ་ཐངས་སྡེ་ཚན་འདི་བཟོ་བཟོཝ་ཨིན།།

                                      

ས་སྟེང་།

 འབྲུག་ཆོས་ལྡན་གྱི་རྒྱལ་ཁབ་ ཤར་ཕྱོགས་སག་སྟེང་དྲུང་ཁག་འོག་ལུ་ཆགས་ཏེ་ཡོད་མི་ སྡོ་ཉམས་སྤྲོ་བའི་སག་སྟེང་གཡུས་ཚན་འདི་ གནས་མཆོག་རྩ་རི་བསྡུས་པ་བྷ་ག་བྱང་གི་སྦོ་ལོགས་ གམ་གསར་འབྲོག་ལས་བབས་པའི་འབྲུག་ཤར་ཕྱོགས་གམ་རི་གཙང་ཆུའི་འབྱུང་ཁུངས་ཡང་ཡིན་ལ། རྩ་རིའི་གནས་བསྡུས་པ་ལས་ཀྱང་ཤིན་ཏུ་བསྡུས་པ་རྣམས་ཀྱང་ཡུལ་འདི་ཉེ་འཁོར་དུ་ཡོད།སློབ་དཔོན་པདྨ་འབྱུང་གནས་ཀྱིས་མ་འོངས་སྟག་མའི་ལྗོངས་སུ་སྦས་ཡུལ་སྟག་མའི་ལྗོངས་ཞེས་མཚན་ནས་གསོལ་ཏེ་བྱིན་གྱིས་རླབས་གནང་བ་ཡིན། བྱིན་གྱི་རླབས་བཞིན་དུ་མཐའ་བཞི་ཕྱོགས་མཚམས་བརྒྱད་དུ་དགུན་དུས་གངས་རི་དང་། དུས་བཞི་ནགས་རིའི་སྐོར་བ། ཡུལ་གྱི་ཉེ་ཁོར་དུ་སྟག་མ་དང་སྟག་གོར་ཤིང་གི་མེ་ཏོག་མཛེས་ཤིང་ཡིད་དུ་འོང་བ་ཡོད། ཡུལ་ལུང་ཞོགས་གཅིག་ཏུ་རྒྱ་མཚོའི་རྦ་རླབས་གཡོ་བ་ལྟ་བུའི་གམ་གསར་ལས་འབྱུང་བའི་ཕ་རི་གཙང་ཆུ་རྒྱུགས་ལ། ལྗོངས་འདིའི་གཡས་སྟོད་དུ་སག་སྟེང་གུ་རུའི་བླ་བྲང་བསམ་གཏན་ཆོས་གླིང་དང་། གཡོན་སྟོད་དུ་གསོལ་དཔོན་གྱི་དབེན་གནས་རྣམ་རྒྱལ་ཆོས་གླིང་། ཡུལ་མཇུག་ཏུ་བླ་མ་བསྟན་པའི་སྒྲོན་མེས་ཀླུ་དོལ་པ་ནག་པོ་དམ་ལ་བཞག་པའི་བཀྲ་ཤིས་ཆོས་གླིང་ལྷ་ཁང་ཡོད།

སྔོན་དུས་རབས་བཅུ་གཉིས་པའི་ནང་སྨྱུག་མའི་རིགས་ལས་སག་ཟེར་བའི་སག་གིས་སྐོར་ནས་ཡོད་པར་སག་སྟེང་ཞེས་ཐོགས་པ་ཡིན།

ཡུལ་འདིའི་མི་རྒྱུད་ནི་དང་ཐོག་མཚོ་མཚོ་སྣ་ནས་འབྱུང་ལ། ཆོས་བརྒྱུད་ནི་དུས་རབས་བཅོ་ལྔ་པའི་ནང་སག་སྟེང་གུ་རུ་རིན་པོ་ཆེ་སྐུ་ཕྲེང་བཞི་པ་བླ་མ་བསྟན་པའི་སྒྲོན་མེས་སྲོལ་ཕྱེ་གནང་བའི་རི་བོ་དགེ་ལྡན་པའི་ཆོས་བརྒྱུད་ཡིན། གྱོན་ཆས་ནི། ཕོ་གོས་རྩིད་ཞྭ་དང་། སྣམ་བུ་ཕྱུ་པ། རྐང་གོས། པི་ཤུབ། པགས་ལྷམ་བཅས་ཡིན། མོ་གོས་རྩིད་ཞྭ་དང་། སྟོད་ཐུང་།  ཤིང་ཁ། པང་ཁེབ་སྐེ་རག སྨད་དཀྱིག་མ། ཙང་ལྷམ། ལྷམ་སྒྲོག་བཅས་ཡིན། དེ་དག་འཆང་བའི་སྐབས་སུ་མཛེས་སྡུག་ཧ་ཅང་མཐོང་། ཡང་ཡུལ་འདིའི་ཐུན་མིན་གྱི་སྲོལ་རྒྱུན་ནི། བླ་མ་བསྟན་པའི་སྒྲོན་མེས་བ་ལུང་མཚོ་ནས་ཀེང་བག་མང་པོ་གཏེར་དུ་བཞེས་སྟེ་སྲོལ་བཙུག་གནང་བའི་ལོ་གསུམ་རེའི་བར་མཚམས་དམངས་སྐུ་རིམ་དང་ཀེང་འཆམ་ཟེར་བ་ཐེར་གོང་ཕུད་དེ་ཀེང་འཆམ་རྒྱབ་པ་སོགས་དངོས་གཞི་ཉིན་གསུམ་རིང་གནང་སྲོལ་ཡོད་ལ། གུ་རུ་སྐལ་བཟང་དོན་ཡོད་བསྟན་འཛིན་གྱིས་སྲོལ་བཙུག་གནང་བའི་རང་ཟླ་བཞི་པ་དང་དྲུག་པའི་ནང་སྨྱུང གནས་དང་། རང་ཟླ་གསུམ་པ་དང་བདུན་པའི་ཚེས་བཅོ་ལྔ་ལ་ཆོས་སྐོར་བཅས་ལོ་ལྟར་གནང་སྲོལ་བཟང་པོ་བཅས་ཡོད་དོ།།

དཔར་གྱི་རིགས།

ཁ་སྡེ།

ཁ་ནང་གི་རྨ་འདི་ལྕེ་གིས་བཅོ་དགོ།

ཁ་ལུ་ཚུད་པའི་ཟས་ལྕེ་གིས་འཕུད་མ་ད།

ཁ་སྐམ་མེ་འཕུཝ་དེས་འཕུ།

ཡོངས་འབྲེལ་འདི་གཟིགས་ནི་ཡོད་ག

༉ ག་དེ་པ་ལས་ རྫོང་ཁ་སླབ་ཐངས་སྡེ་ཚན་འགོ་བཙུགས་ཞིནམ་ལས་ ད་རེས་ནངས་པ་གི་ལམ་ལུགས་དང་འཁྲིལ་ཏེ་ ཡོངས་འབྲེལ་འཆར་སྒོ་འཇམ་སམ་ཅིག་བྲིས་ཏེ་ཡོད་རུང་ དང་འདོད་སྐྱེད་དེ་གཟིགས་མི་མེད་ནི་འདི་གིས་སེམས་ཕམ་ཡོད།

• ནཱ་གིས་གཟིགས་ཅི་ག   ཕན་ཐོགས་འདུག་ག
• བཅོ་ཁ་རྐྱབ་དགོཔ་འདུག་ག      ག་དེ་སྦེ་ལེགས་བཅོས་འབད་ནི།
• དེ་གིས་མ་དོ་བར་གཞན་ཡང་འཐེབ་ག་ཅི་ར་བཙུག་དགོཔ་འདུག