- དང་པ་ཨ་ལུ་དགའ་བཅུག་དགོ། །དེ་ལས་ཨ་ལུ་སྔུ་བཅུག་དགོ། །
- མདའ་རྐྱབ་ཤེས་ཏེ་གཞུ་ཉོཝ་ཨིན།
- མདའ་ཕོག་སར་ཤ་དྲ་དགོ།
- མདའི་རྣ་བར་དུག་སྦྱརཝ་དེས་སྦྱར།
- མདའ་སྒལ་པར་འབག་སྟེ་བྱོག་མི་ཐལ།
- མདའ་རྐྱབ་ལུགས་མི་གཙོ་གཏད་ལུགས་གཙོ། མདའ་རྐྱབ་ལུགས་མི་གཙོ་སྟོན་ལུགས་གཙོ། ཟེར་སླབ་ལུགས་གཉིས་འདུག དག་ཤོས་ཐད་རི་སྦ་རི་འདི་ག་འདི་ཨིན་ན་དབྱེ་བ་དཔྱད་གནང་།
- རྡིག་ཟེརནི་སྤང་ནང་། །སོསཔ་ཟེརནི་ཚལ་མ་ནང་། །
- དེ་ལས་ལྷག་པའི་པད་ཤོ་མི་ནུག །
- དོམ་ལྟོགསཔ་ཤ་མུ་དང་ཕྱད་ཕྱདཔ་བཟུམ།
- རྡོ་བར་ནང་གི་ཐལཝ་མིན་པ། །ཤིང་བར་ནང་གི་སྤྱིན། །
- རྡོ་ཤིང་གུར་རྐྱབ། །བྱ་མགུ་ཡོལ་འཁོར། །
- གདུང་ཤིང་སྦོམ་རུང་ཁོང་སྟོང་། །ཁེངམ་ཆུང་རུང་མེ་ཏོག །
- གདོང་གིས་ལྟོ་མ་ཐོབ་པ། །དཔྱལ་བས་སྦོག་འདུ་སི་སི། །
- གདོང་ཉེསཔ་སེམས་ཀྱིས་ཚོར།
- འདྲེ་ཤར་ལུ་བཞག །གཏོརམ་ནུབ་ལུ་རྐྱབ། །
- འདྲེ་དང་བུཚ་ཆུང་ལས་བཏུལ།
- འདྲོག་རུང་འདྲེ་དང་ཁྱིམ་ཚང་། །གྱང་རུང་ལ་དང་གདོང་སྐོར། །
- དྲག་རུང་ཉེཝ་གིས་དྲག་མི་སྟེར། །ཞན་རུང་ཉེཝ་གིས་ཞན་མི་སྟེར།
2019/07/09
ད་དང་འབྲེལ་བའི་དཔྱེ་གཏམ།
Subscribe to:
Post Comments (Atom)
No comments:
Post a Comment