མ་དང་འབྲེལ་བའི་དཔྱེ་གཏམ།

1. མ་ཞོན་མི་རྟ་ལས་བབ་འཇམ།
2. མ་སླབནི་མི་ཤེས། །མ་རྐྱབནི་མི་ཕོག །
3. མ་གཏོགསནི་ཨ་ཁུ་ལྷ་གསོལ་ས་ཡང་མ་གཏོགས།
4. མ་རྐྱབ་པའི་མདའ་ལུ་རྒྱལ་ཕམ་མེད།
5. མ་རྐྱབ་པའི་མཚམས་ཁང་ནང་། །མ་བཏབ་པའི་ལོ་ཐོག །
6. མི་ཕོ་རྐང་བཙུགས་རྒོད་མ་དྲགས། །ཕྱུག་པོའི་སེམས་ལུ་ག་མནོ་མེད། །
7. མི་ཁ་མདོག་ཞན་མར་སླབ་དགོ་མནོ། །རྟ་རལཔ་ཅན་མར་བཞོན་དགོ་མནོ།། 
8. མི་ཅིག་འོངན྄ི་ཆུང་ལས། །རྟ་ཅིག་འོངནི་རྟིའུ་ལས།།
9. མི་གཅིག་དགའ་བའི་བསོད་ནམས་རྟ་གིས་ཡང་མི་ཐེག
10. མི་མནོ་རིགས་མི་གཅིག །བྱ་སྤུ་རིགས་མི་གཅིག །
11. མི་ཁར་མ་ཉན། །རྟ་ཁར་མ་ཞོན། །
12. མི་མ་ཤི་བའི་ལཱ་ལུ་རྫོགས་ནི་མེད།།
13. མི་རྒས་ཅི་གཡུས་དྲན། །བྱ་རྒས་ཅི་གདངས་དྲན།
14. མི་ས་འོག་ལུ་ཐལ་རུང་། །གཏམ་ས་སྟེང་ལུ་ལུས།།
15. མི་ངན་གྱིས་གཡུས་དཀྲོགས། །བྱ་ངན་གྱིས་གདང་དཀྲོགས།།
16. མིང་མ་བཏགསནི་ཤ་མུ་གིས་ཡང་དུག
17. མེ་མ་འཕུན྄ི་རྒྱཝ་མི་འཚིག 
18. མེ་ཕར་འཕུ། །རྒྱཝ་ཚུར་འཚིག།
19. མེ་ཆུང་དུས་ལས་བསད། །དགྲ་ཆུང་དུས་ལས་བཏུལ།།
20. མེ་ཏོག་ཆུང་རུང་མཆོད་པའི་རྫས།
21. 
    

བ་དང་འབྲེལ་བའི་དཔྱེ་གཏམ།

1. བ་དམརཔོ་འདི་གསད་དེ་ཟ་འདི་བཞོ་ཟཝ་དྲག
2. བ་ཤི་དུས་ལུ་བོ་ངར་དགོ།
3. བུ་ཕ་དང་མཉམ།  །བུམོ་མ་དང་མཉམ། །
4. བོནམོ་རྔ་དང་བསྟུན་པའི་འཆམ།
5. སྦོམ་ཆུང་བ་དང་བོའུ་ཅུང་། །རིང་ཐུང་ཁབ་དང་སྐུདཔ། །
6. བྱོ་དེས་ཧམ། །སྦ་དེས་གཞིབ། །
7. བྱག་དང་ཕྱདཔ་ད་བླམ་མཁྱེན། །ཐང་ནང་ལྷོདཔ་ཨེ་ཧུ་ཧུ། །
8. བྱཱར་སུ་ཆུ་མཐོ། །དགུན་སུ་གེདཔ་མཐོ། །

ཕ་དང་འབྲེལ་བའི་དཔྱེ་གཏམ།

1. ཕ་ཡར་བུ་ཡར་སྔོན་གྱི་དགྲ།
2. ཕ་སྤུན་རུསཔ་གསེར།
3. ཕ་གིས་ག་འབད་བུའི་ལམ་སྟོན།
4. ཕ་བསྒང་བ་བུ་བསྒང་དྲག
5. ཕ་བསྒང་མནའ་མ་ཟནི། །བུ་བསྒང་དམ་མི་ཉམས།
6. ཕ་བཟང་གི་བུ། །གྱི་བཟང་གི་ཤུབས།
7. ཕ་ཤུལ་བུ་དང་གཡག་ཤུལ་ཀོཝ།། 
8. ཕ་སེམས་མར་དང་བུ་སེམས་རྡོ།
9. ཕགཔ་དང་འགྱན་ཨ་ཝ་མི་ཟ།། 
10. ཕྱི་མ་དགཔ་ཆུ ་གིས་བཤལ། །ནང་མ་དགཔ་གཏམ་གྱིས་བསལ།། 
11. ཕུང་ནང་སྟག་གི་རྗེས་མ་གཏོགས། །བྱི་ལིའི་རྗེས་མི་ནུག །
12. ཕུང་ནང་སྦྱང་ཡོདན྄་སྒྱིད་པར་རླུང་ཞུགས། །གདང་ཁར་ཤ་ཡོདན྄་དཔྱལ་བར་ཨ་རིང་ཆགས།།
13. ཕོ་གིས་ག་བསྟན་བུའི་ལམ།
14. ཕོ་ཤི་སར་འགྱོ་རུ་དགའ་སྟེ་འགྱོ། །ཟམོ་ཟ་སར་འགྱོ་རུ་སྔུ་སྟེ་འགྱོ། །
15. ཕོ་ཞན་རུང་སྤྲོད་མི་དང་། །མོ་དྲག་རུང་ལེན་མི། །
16. ཕོ་རབ་གཅིག་གི་བློ་རྩལ་བ། །ཕོ་འབྲིང་གསུམ་གྱི་གྲོས་བསྡུར་དགའ། །
17. ཕོ་དྲུག་ཚོང་ལུ་འགྱོནི། །གཏམ་ངན་གཡུས་ལུ་ཁྱབ། །
18. ཕོ་གིས་འཁྱིདནི་ག་འཁྱིད། །མོ་གིས་སླབནི་ག་སླབ།།
19. ཕོ་འགྱོ་ཁེ། །མོ་སྡོད་ཁེ།
20. ཕོ་དྲུག་ཚོང་ལུ་འགྱོནི།།གཏམ་ངན་གཡུས་ལུ་ཁྱབ། །
21. ཕོ་ལོ་ཁལ་གསུམ་རྒས་རྒྱུ་མེད། །མོ་ལོ་བཅུ་དྲུག་གཞོན་རྒྱུ་མེད། །ཕོ་ལོ་ཁལ་གསུམ་རྒས་རྒྱུ་མེད། །མོ་ལོ་ལྔ་གསུམ་གཞོན་རྒྱུ་མེད། །ཟེར་མི་འདི་ དོན་གཅིག་ལུ་སླབ་ལུགས་གཉིས་འདུག  རྙིང་ཤོས་འདི་ག་ཨིན་ན་ དབྱེ་དཔྱད་གནང་དགོཔ་འདུག
22. ཕམ་ཞན་པའི་བུམོ་ཕད། །སློབ་དཔོན་ཞན་པའི་སློབམ། །ལས་སྒོ་རྒས་པའི་རྒྱས་རེ།། 
23. ཕྱུག་པོའི་རྨགཔ་འབད་དགོནི། །སྒྱིད་པར་རླུང་ཞུགས་དགོ། 
24. ཕྲང་པའི་མདའ་གིས་མདུང་ཐེག

པ་དང་འབྲེལ་བའི་དཔྱེ་གཏམ།

ན་དང་འབྲེལ་བའི་དཔྱེ་གཏམ།

1. ནཝ་མངནི་ཤི་བའི་དགྲ། 
2. ན་མི་གིས་འཁུན། །གཡ་མི་གིས་ཀྲེག
3. ནང་སྟག །ཕྱི་བྱི་ལི། །
4. ནང་ལྕགས་ཐག་ཡང་དཀྲོལ་སག་ས། །ཕྱི་བལ་ཐག་ཡང་བཏོག་མ་ཚུགས། །
5. ནང་མནོ་བའི་དོན་ཧིང་མེདནི། །ཕྱི་བལྟ་བའི་མིག་ཏོ་ཞརཝ། །
6. མནོ་སར་སྟ་རེས་མི་ཕོག དྲང་པོ་ཤིང་གིས་གག །
7. ནམ་དུས་དང་བསྟུན་པའི་གོ་གྱོན། །དུས་དང་བསྟུན་པའི་ཟས་ཟ།།
8. མནོ་བའི་ཤིང་ཁར།།བསམ་པའི་བྱ་འཁོར།
9. 
   

ད་དང་འབྲེལ་བའི་དཔྱེ་གཏམ།

1. དང་པ་ཨ་ལུ་དགའ་བཅུག་དགོ། །དེ་ལས་ཨ་ལུ་སྔུ་བཅུག་དགོ། །
2. མདའ་རྐྱབ་ཤེས་ཏེ་གཞུ་ཉོཝ་ཨིན།
3. མདའ་ཕོག་སར་ཤ་དྲ་དགོ།
4. མདའི་རྣ་བར་དུག་སྦྱརཝ་དེས་སྦྱར།
5. མདའ་སྒལ་པར་འབག་སྟེ་བྱོག་མི་ཐལ།
6. མདའ་རྐྱབ་ལུགས་མི་གཙོ་གཏད་ལུགས་གཙོ། མདའ་རྐྱབ་ལུགས་མི་གཙོ་སྟོན་ལུགས་གཙོ། ཟེར་སླབ་ལུགས་གཉིས་འདུག དག་ཤོས་ཐད་རི་སྦ་རི་འདི་ག་འདི་ཨིན་ན་དབྱེ་བ་དཔྱད་གནང་།
7. རྡིག་ཟེརནི་སྤང་ནང་། །སོསཔ་ཟེརནི་ཚལ་མ་ནང་། །
8. དེ་ལས་ལྷག་པའི་པད་ཤོ་མི་ནུག །
9. དོམ་ལྟོགསཔ་ཤ་མུ་དང་ཕྱད་ཕྱདཔ་བཟུམ།
10. རྡོ་བར་ནང་གི་ཐལཝ་མིན་པ། །ཤིང་བར་ནང་གི་སྤྱིན། །
11. རྡོ་ཤིང་གུར་རྐྱབ། །བྱ་མགུ་ཡོལ་འཁོར། །
12. གདུང་ཤིང་སྦོམ་རུང་ཁོང་སྟོང་། །ཁེངམ་ཆུང་རུང་མེ་ཏོག །
13. གདོང་གིས་ལྟོ་མ་ཐོབ་པ། །དཔྱལ་བས་སྦོག་འདུ་སི་སི། །
14. གདོང་ཉེསཔ་སེམས་ཀྱིས་ཚོར། 
15. འདྲེ་ཤར་ལུ་བཞག །གཏོརམ་ནུབ་ལུ་རྐྱབ། །
16. འདྲེ་དང་བུཚ་ཆུང་ལས་བཏུལ།
17. འདྲོག་རུང་འདྲེ་དང་ཁྱིམ་ཚང་། །གྱང་རུང་ལ་དང་གདོང་སྐོར། །
18. དྲག་རུང་ཉེཝ་གིས་དྲག་མི་སྟེར། །ཞན་རུང་ཉེཝ་གིས་ཞན་མི་སྟེར།
19. 
    

ཐ་དང་འབྲེལ་བའི་དཔྱེ་གཏམ།

1. ཐ་རྡུག་རུང་མ་གཞི་མ་བཙོང་།
2. ཐང་ཐིག་སེམས་ཀྱིས་བཟོ།
3. ཐང་བདེ་སའི་བཤེད་རེ་མིན་པར། །གེག་དོག་སའི་སྤར་རེག་ཨིན་པས། །
4. ཐབས་དང་ཤེས་རབ་མེདནི། །ལུས་ཀྱི་དཔུང་བཤེད་ཡང་དགྲ་ཨིན། །
5. ཐང་ནང་ལྷོད་ཚེ་ཨེ་ཧུ་ཧུ། །བྱག་དང་ཕྱད་ཚེ་བླམ་མཁྱེན་ནོ། །
6. ཐགཔ་ཐུངནི་ཁུར་ཡངས།
7. ཐག་རིང་རྒྱང་གི་ཉེ་བ། །དངས་རའི་ཁྱིམ་ཚང་དགའ། །
8. འཐབ་པའི་ཚིག་ལུ་ཧནམ་མེད། །སྔུ་ཡི་གདོང་ལུ་ལེགསཔ་མེད། །
9. ཐོབ་ཚེ་བསོད་སྡེ་མེདཔ་གིས་ཐོབ། །སག་ཚེ་བསོད་ནམས་ཅན་གྱིས་སག །
10. ཐོབ་ནི་བདེ་ཆེན་ཕུག་གི་བསྐང་བརྒྱུདཔ་དེ་ཡང་མེད་པ། །ལྟོ་ལི་ཧས་ཕུག་གི་གཟའ་རྒྱུགཔ་དེས་རྒྱུག །
11. ཐོག་སྤྱ་དཀར་གྱིས་ཟ། །སྦོག་སྤྱ་དམར་གྱིས་འདུ། །

ཏ་དང་འབྲེལ་བའི་དཔྱེ་གཏམ།

1. གཏམ་བ་རྨ་བདེན། །རྨ་བ་རོགས་བདེན། །
2. བཏུབ་གནམ་ལུ་སྟོན། །མ་བཏུབ་སར་བཙུགས།
3. རྟ་བདེ་བ་སྒ་ཡངམ།
4. རྟ་བཙོང་རུང་སྒ་མ་བཅོང་།
5. རྟ་ཕར་མ་ཐལ།།སྒ་ཚུར་མ་ལུས།།
6. རྟ་གིས་འཁྱིད་འདོད་རེ།།མི་གིས་བཞོན་འདོད་རེ།།
7. རྟ་ལུ་བཀལནི་ཁུར་དང་།།མི་ལུ་བཀལནི་ངོ་ཚ།།
8. རྟ་སྤུ་ལོག་གི་སྒྲིག་མིན་པར།།སྤུ་གནོན་གྱི་སྒྲིག་ལུ་གནས་དགོ།།
9. རྟ་ཁ་སྲབ་ཀྱིས་བསྒྱུར། །ཕོ་ཁ་མོ་གིས་བསྒྱུར། །
10. རྟ་ཞྭརཝ་ཆུར་བརྒལ་དེས་ཡང་བརྒལ།
11. རྟ་རྒསཔ་དང་འགྲོས་ལྷབ།
12. རྟ་ལས་རྨོ་རུང་ཨ་ཁུའི་ཞིང་། །འོག་ལས་རྨོ་རུང་ཨ་ཁུའི་ཞིང་། །
13. རྟ་གསོ་བའི་དྲིན་ལན་རྡོག་པས་འཇལ།
14. རྟ་ཉམས་བཞོན་ཏེ་ཤེས།།མི་ཉམས་འདྲེས་ཏེ་ཤེས། །
15. སྟག་ཁམ་ཕར་དང་ཞོག་ཁམ་ཚུར།
16. སྟགམོ་ལྟོགསཔ་ད་བུ་ཤ་ཟཝ།།
17. སྟ་ཕོག་གཅིག་གིས་ཤིང་མི་ཆོད། །ཐོ་ཕོག་གཅིག་གིས་རྩ་མི་ཆོད། །
18. སྟག་གསད་པ་རིགས་དགོ། །དོམ་གསད་པ་དཔའ་རྟགས་དགོ།།
19. སྟེང་རྡོག་ཡངམ་ད། །འོག་རྡོ་འཕར། །
20. སྟོད་གནམ་མ་མཐོང་། །འོག་ས་མ་མཐོང་། །
21. ལྟོ་ཁ་ལས་ཟ་བ། །ལམ་ལྟག་ཀོ་ནང་ལས་བསྐོར། །ལ་ལུ་ཅིག་གིས་ལྟོ་ཁ་ལས་ཟ་བ། །ལགཔ་ལྟག་ཀོ་ནང་ལས་སྐྱོར། །ཟེར་དོན་གཅིག་ལུ་དཔེ་གཉིས་སྦེ་སླབ་ནི་ཡོད་མི་འདི་ དེ་བསྒང་ལས་སླབ་སྲོལ་ཡོད་པའི་དཔྱེ་གཏམ་རྙིང་ཤོས་འདི་ག་ཨིན་ན་དབྱེ་བ་དཔྱད་དགོཔ་འདུག།
22. བལྟ་ལུགས་གཅིག་ལུ། །མཐོང་ལུགས་གཉིས།།
23. གཏམ་བྱི་ཅུང་བདེན་པ་ལུ།།བང་ཧོ་ཕྲུག་གིས་བཅད།།
24. གཏམ་ཚིག་གསུམ་གྱི་བརྡ་ལེན་མ་འཇལནི།།ཕ་དང་བུ་ཡང་ངོ་མི་ཤེས།།
25. རྟོགས་པ་ལྷ་དང་མཉམ་རུང་། །སྤྱོད་པ་མི་དང་བསྟུན།།

ཉ་དང་འབྲེལ་བའི་དཔྱེ་གཏམ།

1. ཉ་རྒས་པའི་མཁྲིསཔ། །སི་སི་རྒས་པའི་ཧིང་ལྕགས།
2. གཉའ་ཤིང་ཐེག་པའི་གླང་དང་། །དགེ་སློང་ཐེག་པའི་རྟ་མིན་ནུག །

ཇ་དང་འབྲེལ་བའི་དཔྱེ་གཏམ།

1. འཇིག་རྟེན་མ་ཕྱིས། །དམ་ཆོས་མ་ཧག །
2. ཇ་ཡོདཔ་དགོན་པར་བསྐྱེལ། །མར་ཡོདཔ་དཔྱལ་བར་དབུར། །
3. ཇ་ཞིམ་པ་མར་གྱི་བཀའ་དྲིན་ཨིན།

ཆ་དང་འབྲེལ་བའི་དཔྱེ་གཏམ།

1. ཆ་རོགས་ཞན་པ་ཨ་དྲི་མནམ།
2. ཆང་བ་ཆུ་ཞིམ། །མེ་བ་ཐལཝ་དྲོ། །
3. ཆང་མར་འཛུལ། །གཏམ་ཡར་འཐོན། །
4. ཆང་ལེན་ཆུ་ཡིས་འཇལ།
5. ཆང་བཞུ་མི་གིས་འཐུང་། །བློ་ཤེས་མི་གིས་སླབ། །
6. ཆང་འཐུང་རིགཔ་གསལ།
7. ཆརཔ་ཕར་ཀ་རྐྱབ། །ཟིལཔ་ཚུར་ཁར་རེག །
8. ཆརཔ་ཆུ་ཡི་གྲོགས།
9. འཆམ་ཚེ་ཧིང་གཏམ་མ་བཤད། །རྒྱགས་ཚེ་ཁ་ལན་མི་འབྱོར། །
10. མཆེཝ་ཅནམ་དང་རྭཝ་ཅནམ་ལུ་བློ་མ་གཏད།
11. ཆུ་མ་འོངམ་ལས་གཡུར་བ། །ནད་མ་འོངམ་ལས་རིམ་གྲོ། །
12. ཆུ་དང་མ་ཕྱདཔ་ལས་ལྷམ་ཕུད།
13. ཆུ་ཡོད་སར་ཆརཔ།
14. ཆུ་དང་རྡུལ་མ་དམའ་སར་བུད།ཆུ་གིས་འབག་པའི་ལགཔ་ག་བཤེད་མེད། །ནང་དོག་པའི་ཁ་ལས་ག་སླབ་མེད། །
15. ཆུ་དྭང་པ་ཉ་གསལ། །
16. ཆུ་དགུན་སུ་བ་དྭངམ་མེད། །སེམས་རང་སེམས་ལས་གསལཝ་མེད། །
17. ཆུ་ལས་ཐལ་རུང་། །བརྡར་རྡོ་ལས་མི་ཐལ། །
18. ཆུ་འགྱོ་བའི་ཞོར་ཁར་རང་འཐག་དྲུད།
19. ཆུང་ཚེ་རྟ་དང་མ་འདྲིས་པར། །སྦོམ་ཚེ་སྒ་ཆས་རྐྱབ་མ་ཤེས། །
20. ཆུ་ཕུད་གཅིག་ལུ། །ལྷ་གསོལ་གཉིས་མི་བཏུབ། །
21. ཆུ་ཤུལ་འགྱོ་བར་ཧེ་མའི་ལང་ཤོར།
22. ཆུ་ལྷག་རྒྱ་གར་ཤར། །ནོར་འཕགས་པའི་དགེ་འདུན། །
23. ཆུནི་ཟར་ལས་དབོག་ཆེ། །ཤིངནི་རི་ལས་འཐུ་ཆི། །
24. ཆུ་མོའི་གཞུང་ཁར། །ཉ་མོའི་ཕོཝ།།
25. ཆོས་རང་གིས་འབད་དེ་སངས་མ་རྒྱསནི། །རོགས་ཀྱིས་འབད་དེ་སངས་མི་རྒྱས།
26. ཆོསཔ་རྒས་ཅིག་གྱལ་མགུ། །བོད་རྒས་ཅིག་གྱལ་མཇུག །
27. ཆོས་མ་གོ་བའི་རྣཝ་སྤུ་སི་སི།
28. ཆོས་ཟབ་སར་བདུད་ཟབ།
29. ཆོསཔ་ཕྱེད་གོ་བས་ལྷག

ཅ་དང་འབྲེལ་བའི་དཔྱེ་གཏམ།

1. ལྕགས་ལུ་ཞུན་དང་ཞུན་ལུ་མཐར།
2. ལྕགས་ཨིན་སིང་སི་དང་། །རྡོ་ཨིན་ཀྲག་ཀྲ། །
3. ལྕགས་དང་དྲོནམོ་ཚ་ཏོམ་བསྣལ།

ང་དང་འབྲེལ་བའི་དཔྱེ་གཏམ།

ངེའི་གདོང་བ་ཁྱོད་ཀྱི་རྒྱལ་གསལ།
སྔུའི་གདོང་ལུ་ལེགས་གོ་མེད། །འཐབ་པའི་ཚིག་ལུ་ཧནམ་མེད། །
ངོ་ཚ་བ་གལ་ཆེཝ་གདམ།