སྒང་སྟེང་།

སྒང་སྟེང་གི་ས་ཁོངས་ཀྱི་བཀོད་པ་འདི་ ཕོབ་སྦྱིས་ཁ་ལས་ལྟ་བ་ཅིན་ ཐང་གི་སྦུག་ལུ་མནྜལ་ཕུལཝ་དང་འདྲའི་སྒང་ཏོག་གུ་ ལ་རྩཔ་དགུའི་སྟེང་ལུ་ཆགས་ཏེ་ཡོད་ནི་འདི་གིས་ ཟངས་མདོག་དཔལ་རི་གཉིས་པ་སྦེ་ཆ་བཞགཔ་ཨིན་པས། ལ་དགུ་དེ་ཡང་། ༡ཤར་སི་ལ། ༢ལ་ཝ་ལ། ༣བུམ་ཐང་ཁ་ཐུག་ལས་ལྕེ་ལྕེ་ལ། ༤རུ་ཁུ་སྦྱིས་ཁ་ཐུག་ཚ་ལི་ལ། ༥ཅན་དན་སྦྱིས་ཁ་ཐུག་ལམ་སེལ་ལ། ༦རུ་ཁ་ལས་བརྒལ་ལས་ལ། ༧ཨ་ཐང་ལས་ཁ་ཐུག་བཀྲ་ཤིས་ལ། ༨སྒོར་སྒོ་ན་ཁ་ཐུག་ཚེ་ལས་ལ། ༩ངག་དབང་ཁ་ཐུག་བཅོམ་ལྡན་ལ་ཚུ་ཨིན་པས། སྒང་སྟེང་སྤྲུལ་སྐུ་སྐུ་ཕྲེང་དང་པོ་རྒྱལ་སྲས་པངྨ་འཕྲིན་ལས་མཆོག་གིས་ ཧེ་མ་ཁོ་རའི་ཨ་རྒས་རིན་འཛིན་པདྨ་གླིང་པ་གིས་ ལུང་བསྟན་ཏེ་བྱིན་གྱིས་བརླབས་པའི་གནས་དང་ པད་གླིང་གཉིས་པ་རྒྱལ་བ་བསྟན་འཛིན་གྲགས་པའི་ བསམ་གཏན་གྱི་བསྟི་གནས་ཨིན་མི་ དཔལ་སྒང་སྟེང་གསང་སྔགས་ཆོས་གླིང་གི་གཙུག་ལག་ཁང་དེ་  རབ་བྱུང་༡༡པ་སྤྱི་ལོ་༡༦༤༢ལོར་ རྟེན་གསུམ་རྒྱལ་བ་རྒྱ་མཚོ་དང་བཅས་བཞེངས་གནང་པའི་ཁར་ དགེ་འདུན་གྱི་སྡེ་བཙུགས་ཏེ་ དཔལ་གླིང་གི་བསྟན་པ་དར་ཞིང་རྒྱས་ཏེ་འདུག།